Galdogob- Wasiirka Gaadiidka iyo Duulista Hawadda ee Xukuumadda Federaal Soomaaliya Duraan Axmed Faarax oo ku sugan degmada Galdogob ayaa kormeer ku tagay halka laga hirgalinayo Garoonka Diyaaradaha ee Galdogob.
Waxaa kormeerkaan ku weheliyay Agaasimaha Guud ee wasaaradda Gaadiidka iyo Duulista Hawadda Xukuumadda Soomaaliya iyo Masuuliyiin kale.
Wasiirka Gaadiidka Duran Farah ayaa bulshada degmada Galdogob uga mahad celiyay sida ay u barbar taagan yihiin mashruuca hirgalinta Garoonka.
Wasiirka ayaa intaas raaciyay inuu ku faraxsan yahay hawsha la qabtay, isagoona sheegay in mashruucaan sida ugu dhaqsiyaha badan loo soo gabo gabayn doono.
