Waxaa goordhow lagu soo gabagabeeyay magaalada Muqdisho doorashada toddoba xildhibaan oo maamulka Soomaaliland ku mateli doona Baarlamanka 11-aad ee Soomaaliya.
Mudanayaasha maanta la doortay ayaa kala ah ,xildhibaan Cabdullaahi Cabdi Maxamed,xil Nuuriya Aadan Ciise,xil Maxamed Xasan Maxamed , xil Faadumo Ismaaciil Xuseen ,xil Sahra Yuusuf Cige, xil Caydaruus Saalax Yuusuf iyo xil Nuuradiin Col-ujoog.
Kuraasta xildhibaannada aqalka hoose ee maamulka Soomaaliland oo ka kooban 46 ayaa waxaa ka harsan oo keliya saddex mudane , kuwaas oo la filayo in maalmaha soo socda doorashadooda lagu qabto magaalada Muqdisho.
