Wasiirka wasaaradda Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Cusmaan Abuukar Dubbe oo ka qeyb galay kulan looga hadlayay xorriyadda hadalka iyo helitaanka xogta inta lagu gudo jiro doorashooyinka Soomaaliya ayaa sheegay inay lagama maarmaan tahay xorriyadda hadalka, helitaanka macluumaadka iyo xurmeynta saxafiga.
Kulanka oo looga hadlayay damaanad qaadida helitaanka xogta iyo xorriyadda hadalka inta ay socdaan doorashooyinka ayaa waxaa ka qeyb galay wasiirka warfaafinta, taliye ku xigeenka Booliiska Soomaaliya, guddoomiyaha guddiga doorashooyinka ee heer federaalka.
Ururradda warbaahinta madaxa bannaan ee ku midoobay dalladda SIMHA, ayaa kullankaan soo agaasimahay, waxaana goob joog ahaa guddoomiyaha Ururka SIMHA, Xasan Cali Geeseey, agaasimaha Mustaqbal Media Axmed Ciise Guutaale iyo madax ka socotay xafiiska qaramadda midoobay ee Soomaaliya.
Guddoomiyaha guddiga doorashooyinka heer Federaal Maxamed Xasan Cirro iyo taliye ku xigeenka Booliiska Sakiya Xuseen, ayaa warbaahinta ku bogaadiyay shaqadda ay bulshadda u hayaan, waxaana au ugu baaqeen horumarinta wadda shaqeynta tabinta wararka doorashooyinka.
