𝐖𝐚𝐬𝐢𝐢𝐫rad S𝐡𝐚𝐪𝐚𝐝𝐚 iyo Waxbarashada XFS 𝐨𝐨 𝐡𝐚𝐦𝐛𝐚𝐥𝐲𝐨 k𝐮 aadan 𝟏-𝐝𝐚 𝐌𝐚𝐲 u 𝐝𝐢𝐫𝐚𝐲 𝐬𝐡𝐚𝐪𝐚𝐚𝐥𝐚𝐡𝐚 𝐒𝐨𝐨𝐦𝐚𝐚𝐥𝐢𝐲𝐞𝐞𝐝

Wasiirka Shaqada iyo Arrimaha Bulshada ee Dowladda Federaalka Soomaaliya, Mudane Hon.Yusuf Mohamed Adan ayaa dhambaal hambalyo ah u diray dhammaan shaqaalaha Soomaaliyeed iyo qoysaskooda,kuwaas oo maanta  u dabbaaldegaya munaasabadda Maalinta Shaqaalaha Adduunka.

Wasiirku wuxuu xusay doorka muhiimka ah ee shaqaalaha Soomaaliyeed ka qaataan horumarinta dalka, isagoo tilmaamay in dowladda ay dadaal xooggan ku bixisay ilaalinta xuquuqdooda iyo dhiirrigelinta shaqo-abuurka.

“Shaqaalaha Soomaaliyeed waa halyeeyo u taagan dhismaha qaranka, waxaana ku bogaadinayaa hawlkarnimadooda, hufnaantooda iyo dhabar-adayggooda,” ayuu yiri Wasiir Yuusuf.

Sidoo kale,Wasiirka Wasaaradda Waxbarashada XFS, Mudane Farah Sheikh Abdulkadir ayaa hambalyo iyo bogaadin u diray dhammaan shaqaalaha Soomaaliyeed, gaar ahaan kuwa ka shaqeeya waxbarashada, munaasabadda Maalinta Shaqaalaha Adduunka ee 1-da May awgeed.

“Maanta waa maalin aan ku xasuusanno kartida, dadaalka iyo samirka aad u haysaan horumarinta dalka iyo jiilka soo koraya. Macallimiinta, maamulka dugsiyada, shaqaalaha farsamada iyo kuwa xafiisyada dhammaantiin waxaad tihiin laf-dhabarka horumarka bulshadeenna

Wasaaraddu waxay garowsan tahay muhiimadda aad u leedihiin kobcinta tayada waxbarashada iyo baahinta fursadaha waxbarasho. Waxaan idin rajaynayaa maalmo badan oo guul iyo horumar ah” ayuu yiri Wasiir Faarax.