Ra’iisul Wasaare Ku-Xigeenka 2aad ee dalka, mudane Cabdisalaam Cabdi Cali (Dhaay) iyo wafdi uu hoggaaminayo ayaa maanta dib ugu soo laabtay magaalada Muqdisho, kadib ka qeyb-galkii shirka WUF12 ee ka dhacay magaalada Qaahira ee caasimadda Masar.
Garoonka Diyaaradaha Aadan Cadde ee Muqdisho waxaa si diirran ugu soo dhoweeyay xildhibaano, wasiirro, iyo mas’uuliyiin ka socday Xukuumadda Federaalka Soomaaliya.
Mudane Cabdisalaam Cabdi Cali (Dhaay) ayaa u mahadceliyay mas’uuliyiinta iyo madaxda kale ee soo dhaweeyay wafdigiisa, isagoo ka hadlay muhiimadda shirka WUF12 ee ay ka qeyb galeen iyo fursadaha muhiimka ah ee ay Soomaaliya ka heli karto iskaashiga caalamiga ah ee ku aaddan horumarinta magaalooyinka iyo xalalka waara ee dalka.
Wafdiga Ra’iisul Wasaare Ku-Xigeenka ayaa sidoo kale xaqiijiyay in dadaallada Xukuumadda ee ku saabsan horumarinta magaalooyinka iyo xalinta dhibaatooyinka barakacayaasha ay noqon doonaan kuwo la taaban karo oo waxtar u leh shacabka Soomaaliyeed.
