Shirka Qaran ee talabixinta dhaqanka oo laga furay Muqdisho+(SAWIRRO).

By

-

November 28, 2020

Wasiiru dowlaha Wasaaradda Waxbarashada Hiddaha iyo Tacliinta Sare ee XFS,mudane Cabdiraxmaan Maxamuud Cabdulle (Jaabiri) ayaa maanta magaalada Muqdisho ka furay shirka Qaran ee ka talabixinta Dhaqanka iyo Sameeynta qorshe diiradeed lagu ilaalinayo, laguna horumarinayo Hiddaha iyo dhaqanka Soomaaliyeed.

Shirka ayaa waxaa goob joog ka ahaa Agaasimaha guud ee Wasaaradda Waxbarashada Mudane Axmed Xasan Yuusuf, Agaasimaha Tacliinta Sare mudane Ismaanciil Yuusuf Cismaan, Agaasimaha Agaasinka Waxbarashada Gobalka Banaadir, Cabdiqani Waayeel uqeybsanaha waxbarashada ahna Wakiilka Wasaaradda Waxbarashada ee (UNESCO) Aqoonyahano iyo marti sharaf kale oo lagu casumay.

Wasiiru dowlaha Wasaaradda Waxbarashada Hiddaha iyo Tacliinta Sare ee Xukuumadda Fadraalka Soomaaliya mudane Cabdiraxmaan Maxamuud Cabdulle (Jaabiri) ayaa sheegay inay lagama maarmaantahay in dhaqanka la baro dhallinyarda Soomaaliyeed, Ummadd walba waxay leedahay dhaqan iyo hiddo u gaar ah.

Dhallinyaradda is abaabulay oo dhaqallo uruurin u sameyay dadkii ku wax yeelobay fatahaadaha wabiga shabelle

By

admin

-

November 28, 2020

Kullan ay dhalinyarada isxilqaamayaasha Puntland oo ka kala yimid magaalooyin kala duwan ku qabteen magaalada Boosaaso ee xarunta Gobolka Bari ayaa waxay kaga hadleen sidii loogu gurman lahaa dadka ku waxyeeloobay Fatahaada Wabiga Shabeelle ka sameeyay magaalada Baladweyne ee xarunta Gobolka Hiiraan.

Kullanka ayaa waxaa ka soo qeyb galay Taliyaha Ciidanka Madaxtooyada Puntland Mudane Cabdirishiid Ismaaciil Maxamed (Capitano) ,Qaar kamida maamulka iyo macalimiinta Jaamacadaha Puntland, waxgarad,Nabadoono iyo qeybaha kala duwan ee Bulshada, waxa ayna dhammaantood isku raaceen in si deg deg ah loogu gurmado Shacabka ay wax yeeleysay Fatahaada Wabiga Shabeelle.

Dhalinyarada Is xilqaamayaasha Puntland oo kulanka ka hadlay wax ay fariin udireen dhaamaan ummada Soomaaliyeed, taasi oo ku aadan in loo istaago caawinta iyo garab istaaga dadka iyo duunyada ku waxyeeloobay fatahaada wabiga Shabeelle.

Maamulka iyo Macalimiinta Jaamacadaha Puntland ayaa iyagana u mahadceliyay dhalinyarada Isxilqaamayaasha Puntland, iyagoona uga mahadceliyay sida ay marwalba ugu taagan yihiin u gurmashada ummada Soomaaliyeed waxayna dhankooda sheegeen inay garab istaagi doonaan walaalahooda dhibaateysan.

Dhanka kale taliyaha Ciidanka Madaxtooyada Puntland Mudane Cabdirishiid Ismaaciil Maxamed (Capitano) ayaa isna waxa uu bogaadiyay dadaalka ay wadaan dhalinyarada Isxilqaamyaasha Puntland waxa uuna sheegay in ka ciidan ahaan ay diyaar uyihiin ka qeyb qaadashada gurmadka loogu gurmanayo dadka iyo duunyada ku waxyeeloobay fatahaada wabiga Shabeelle.

Ugu danbeyn waxaa kullanka ka hadlay Waxgaradkii iyo nabadoonadii ka qeybgalay munaasabadda, waxayna sheegeen inay dhankooda diyaar u yihiin ka qeybqaadashada gurmadka loo fidinayo dadka iyo duunyada ku waxyeeloobay fatahaada wabiga Shabeelle.

UK oo deeq waxbarassho siineysa Soomaalida

By

admin

-

November 28, 2020

Xarunta Chevening ee dowladda Ingiriiska u qaabilsan horumarinta iyo hoggaaminta ayaa bixineysa fursad waxbarasho oo u furan aqoon yahannada Soomaalida ee leh xirfadaha hoggaamineed.

Haddaba haddii aad daneyneyso fursaddaas waxbarasho, waxa aad kala xiriiri kartaa www.http://www.chevening.org ama www.facebook.com/ukinsomalia.

Xarun Waxbarasho Islaami ah oo soomalida ku nool dalka turki leeyihiin ayaa laga hirgaliyay Magallada Istanbul

By

admin

-

November 28, 2020

Munaasabad kooban oo lagu daahfurayo Dugsi lagu barto Qur’aanka Kariimka ayaa waxay ka dhacday magaalada Istabul ee dalka Turkiga,waxaana ka qeyb galay culimaa’udiin,Waalidiin iyo Mas’uuliyiinta Jaaliyadda Soomaaliyeed ee dalka Turkiga.

Macallimiinta Dugsiga lagu baranayo Qur’aanka Kariimka ah ee laga hirgeliyay Xaafada Bashakshahir ee dhacda Waqooyiga Istanbul oo ugu horeyn munaasabada furitaanka ka hadlay ayaa sheegay in Dugsigan uu muhiimad gaar ah u leeyahay dadka Soomaaliyeed ee ku nool dalkaasi Turkiga.

Walidiinta ayaa dhankooda aad usoo dhoweyay in Caruurtooda ay helaan goob ay ku bartaan Qur’aanka Kariim.

Gudoomiyaha Jaaliyada Soomaaliyeed ee Wadanka Turkiga Sheekh Maxamed ayaa tilmaamay in Soomaalida ku nool Dalka Turkiga Horumar Wanaagsan gaareen.

“Runtii Maanta waxaan gaarnay Horumar aad u weyn, waxaana furmay Xarun aad u muhiim noogu ah taas oo ay ku baranayaan Caruurta Soomaaliyeed, Muddo dheer ayaan ku soo jirnay sidii aan Xaruntaan furilaheyn”.ayuu yiri Guddoomiyaha Jaaliyadda Soomaaliyeed ee Turkiga.

(DAAWO) Wasiirka Warfaafinta oo ka warbixiyey booqashadii maanta uu safiirka Turkigu ku yimid wasaaradda+(MUUQAAL).

By

admin

-

November 27, 2020

Safiirka ayaa booqday qeybaha kala duwan ee Wasaaradda Warfaafinta iyadoo ay wasiirka iyo safiirku ka wada hadleen qaabka loo mataaneyn lahaa Warbaahinta labada Dal.

Funaanadaha ay ku ciyaari doonaan xilli ciyaareedkaan ciyaartoyda xulka Qaranka oo la soo bandhigay.

By

admin

-

November 27, 2020

(DAAWO) Madaxweynaha JFS Maxamed Cabdullahi Farmaajo oo Kormeeray Dhismaha Safaaradda Soomaaliya ee Magaalada Nairobi Dalka Kenya.

By

admin

-

November 27, 2020

November, 2019:

Madaxweyne Maxamed Cabdullaahi Farmaajo oo kormeeray Dhismaha Safaaradda Soomaaliya ee Nairobi ayaa adkeeyey muhiimadda ay leedahay in degdeg loo dhammeystiro dhismaha iyo dacaytirka Xarunta Safaaradda oo dib loo soo celiyey ku dhawaad 30 sano kaddib.

November, 2020:
Safaaradda Jamhuuriyadda Federaalka Soomaaliya waxa ay ku howlgashay Xarun diblumaasiyadeed oo ka tarjumeysa dib u kabashada dalkeenna, kaddib markii dib u dhis lagu sameeyey Xaruntii Safaaradda oo ka maqnayd gacanta Dowladda tan iyo sanadkii 1994-tii.

Halkan ka Daawo

(DAAWO) Ra’iisul Wasaare Rooble oo ka tacsiyeeyey Geerida -Alle ha u naxariistee- Ra’iisul Wasaare Cumar Carte Qaalib.

By

admin

-

November 27, 2020

Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble ayaa tacsi tiiraanyo leh u diray qoyska, Qaraabada iyo dhammaan Ummadda Soomaaliyeed ee uu ka baxay Alle ha u naxariistee- Ra’iisul Wasaarihii hore ee dalka Marxuum Cumar Carte Qaalib oo maanta ku geeriyooday magaalada Hargeysa.